نكت عراقية 2000 وهسة

*واحد شاف واحد كاعد يضحك ساله ليش تضحك !كال ‎:
جنت كاعد اكول النفسي نكته اول مره اسمعها

*واحد* دخل عل القائد مالة رافع اصبعين(علامة النصر)قال القائد ها انتصرنا؟ قال لا بقينا بس اثنين

*يوم جلال الطلباني راح زياره للنجف فبالطريق راكب سويه ويه محافظ النجف فشاف المقبره

وكف السايق والتف على المحافظ كله كاكا محافز هاي شنو كله المحافظ مام جلال هاي المقبره ,,

كال جلال وشنو يعني المقبره جاوب المحافظ المقبره هي المكان مال الموتى باوع جلال

وكال يعني كاكا هاي كلها موته كال المحافظ اي هاي كلهه موته

جان ايكول جلال زين كاكا هاي موتى ام العود لو ام الكبوس

*فد يوم *واحد* محشش كص راس اخو وخرب من الضحك كال

شكد حلو راح يكعد الصبح ميلكه راسه حي يخرب من الضحك

*كردي اشتره حذاء ضيك.. كالوله: ليش؟؟ كال لو تدرون شلون ارتاح من انزعهه

*كردي يشتغل بالتنقيب عن الآثار... ديحفر طلعتله طابوكه جمهوري... ركض للمدير يصيح: إستاد.. لكيت الدوشيش مال حمورابي

*دليمي قال لكردي اريد ابيع سيارتي التويوتا بسعر غالي شلون؟ قاله الكردي بسيطه شيل علامة تويوتا وحط علامة بي ام بعد اسبوع سأله الكردي : بعت سيارتك ؟ قال الدليمي: من كل عقلك انت ، اكو واحد يبيع سياره بي ام

* د واحد راح للدكتور
كلة دكتور اني اكدر اعيش لحد مايصير عمري 100 سنة؟؟
الدكتور كلة رح اسالك كم سؤال
انت تدخن؟
كلة بعمري مشربت ولا جكارة
...تسهر عالتلفزيون او النت؟
كلة ماعندي تلفزيون والنت هذا شنو مااعرفة
كلة تحب بنية وتسهر علمودهة؟
كلة لا احب البنات ولا يحبوني
كلة تسهر وية اصدقائك؟
كلة ماعندي اصدقاء اصلا
تاكل اكل يضر بصحتك؟
لا
كلة والله خبلتني لعد تريد 100 سنة شتصخم بيهن

*فد يوم ملك بالجنه شاف شجرة كل شوية تطيح من عندها ورقة
فسأل شنو هاي الشجرة گلوله...هاي كل ما واحد يكفر تطيح من عندها ورقة..
وره شوية طاحت الشجرة كلها!
گال شنو القصة
گلوله...
لا هاي انطفت الكهرباء بالعراق

*مرة واحد مصلاوي خطفوا واحد من اولادة
واتصلوا عليه كلولة: ابنك عدنة جيب عشرين مليون ويرجع الك
كال الهم : تنطونة اكل
كالو :اي
كللهم: تنطونة ماي
كالو :اي
كال :اتخلونة اينام
كالو : اي
كللهم: تعالو اخذوا اولادي كلهم